【狼少狼笑｜狼少製作】這一晚，我不經意在屯市睇奧運（開聲睇🔊）
最近好忙好攰⋯⋯作車Cam都無時間，睇奧運更加唔好提⋯⋯
難得今晚偷閒去屯市食個飯，
食完大約9點半，行經Mirror、Error留低腳毛嘅大廣場，
驚傳一大班街坊拍掌聲，睇睇個Mon先知原來正上演中國對台灣嘅女子羽毛球賽事，
而街坊正好為台灣運動員贏出一球鼓掌，
喺現場咁強大嘅熱情下，真係忍唔住企定定成為觀眾一員，一睇就睇到比賽結束，
結果中國以局數2：1贏波。
結果唔意外，亦唔重要，
但2021年第一次企喺群眾中睇奧運嘅過程，原來係會令人咁肉緊。
比數上台灣開局初段都容易被拋開比數，最大距離可以去到7分之差，
但中段一直狂追，每當台灣贏一球，屯市掌聲即起，
反之就只有一個中年大叔嗌「必勝」，
喺咁嘅氣氛下，見證台灣代表戴資穎第二局反勝，
作為香港一名觀眾，重拾到呢種衝破逆境嘅感覺，真好！
亦令人反思當一種強大勝利後只換來大眾嘅一聲苦笑而非自豪，呢種強大又係幾咁脆弱？
#唔好放棄
#逆境求存
Search